香港新浪網MySinaBlog 精選話題工具隨機
新浪網 - MySinaBlog
又大一歲啦~
KatCat | 18th Jun 2008 | 閒情日誌 | (12 Reads)

生日大日子emotion，好開心，今年撞正Helen姐結婚，以為無人得閒幫我攪生日，估唔到朋友們已經諗過，重要買埋禮物添~emotion好好呀~多謝~emotion

 今年係香姐屋企攪生日會，放工後，個人好凍，所以返屋企沖左個熱水涼，換個件靚衫，就出門啦，8點到香姐屋企，只有Claire 同Mike到左，之後Utah，亞迪，David，Elaine，恩兒都到啦，今次又係David下廚，佢d手勢真係得架，醉蟹、雞翼同埋個湯，好正呀~emotion 今年重有到好多禮物，最驚喜係收到部相機，同埋豐胸丸emotion(haha，糖黎o既)~emotion 真係好開心，因為知道大家都好錫我，多謝~emotion
留言(0) | 引用(0)

好朋友~大喜日子~恭喜晒~
KatCat | 18th Jun 2008 | 閒情日誌 | (11 Reads)
6月15日，Helen同Andy結婚o既大日子emotion，早上7:30起身，梳洗下，執返靚個樣emotion，就起行到Helen屋企啦，今次統籌接新娘遊戲，有d緊張，第一個game，就係要新郎同兄弟們係新娘樓下做個心型emotion，再宣讀愛的宣言，呵~估唔到佢地咁合作喎，有d男人最怕做呢d肉麻野，但Andy一口答應，咁先型麻~emotion 之後因為時間關係，都玩少左好多game，但總算順利，同埋我地呢班兄弟姊妹，都係平時玩開o既fd，所以玩佢地，都特別投入，hahahaemotion 跟住都係一搬o既情況，返新郎屋企，再去酒樓。個場好大好靚，間新娘房可以攞兩圍枱。利害~emotion 今次我要做接待，但搵名真係好難架，都有不少混亂，好彩Andy阿哥夠定，幫左我地好大忙，謝謝~ 到左新人入場啦，Andy眼有淚光emotion，嘩~之後係台上面，佢又緊張到爆，我識佢咁耐，第一次見，正呀~好攪笑~emotion之後佢重要飲醉左，為左拖延時間，我地不停咁問賓客問題，都算係咁啦~emotion 送客後，我地一班兄弟姊妹不停咁影相，又係個台度擺埋d古怪posture，超好玩。emotion但好累呢……emotion
留言(0) | 引用(0)

祝福你地，Helen & Andy
KatCat | 11th Jun 2008 | 閒情日誌 | (7 Reads)

Helen姐結婚啦，新郎就係Andy，重記得佢地第一次係Christmas party相遇個樣，又記得係葵芳撞佢o既好事，應該都有成三年囉，真係要恭喜晒，佢地d「豬豬、BB」o既稱呼，同旁若無人o既恩愛，雖然真係好難頂，但亦覺得好攪笑，兩個都係好熟o既朋友(一個舊同學，一個舊大佬，世界真係細)，重要成日出黎玩，記憶中，總未見過佢地爭吵......今日見到佢地結婚，真係好開心呀~emotion

留言(0) | 引用(0)

心要讓你聽見
KatCat | 18th May 2008 | 閒情日誌 | (33 Reads)

心要讓你聽見

緣份讓你我擦肩　沒開口卻有感覺
愛情最害怕猶豫　再回頭只能懷念
寂寞因你而強烈　熬不過漫長午夜
天涯擋不住思念　渴望著他年他日再相見

到那天　絕不再讓你走過我身邊
沉默的習慣　願為你改變

心要讓你聽見　愛要讓你看見
不怕承認對你有多眷戀
想你的時候　盼你能收到我的真情留言
心要讓你聽見　愛要讓你看見
問你是否願分享每一天
把我的遺憾　變成感謝
緣份讓你我擦肩　沒開口卻有感覺
愛情最害怕猶豫　再回頭只能懷念
寂寞因你而強烈　熬不過漫長午夜
天涯擋不住思念　渴望著他年他日再相見

到那天　絕不再讓你走過我身邊
沉默的習慣　願為你改變
心要讓你聽見　愛要讓你看見
不怕承認對你有多眷戀
想你的時候　盼你能收到我的真情留言
心要讓你聽見　愛要讓你看見
問你是否願分享每一天
把我的遺憾　變成感謝

留言(0) | 引用(0)

承諾
KatCat | 16th May 2008 | 閒情日誌 | (26 Reads)

承諾，一種虛無縹緲的東西，人住住希望得到，但郤不敢作出承諾，生活無常，經常有些特發事情發生，把完定的計劃打誇，把承諾變成空話，久而久之人害怕承諾，因害怕受責。

我老細經常要求的給他承諾，每件事都會問何時完成，同一件事，總喜歡每天都問，進度如何，可以在預期內完成嗎?老細明顯對我沒信心，所以總是每天都問。

信任與承諾是否不會掛勾，但等待卻是一件痛苦的事。

留言(0) | 引用(0)

有無freelance介紹
KatCat | 8th May 2008 | 閒情日誌 | (31 Reads)
任何平面設計(海報，單張，卡片，信封封紙，banner，易拉架，喜帖)，包印刷，各界好友，有就彈d過黎啦，thx~
留言(0) | 引用(0)

啞子食黃蓮
KatCat | 7th May 2008 | 閒情日誌 | (11 Reads)

人一生，總有些難以估計，是意料之外或是為世所迫，說到最頭還不是自作孽。度過了一生都不願意面對的事，幸好，有人相伴，盡管他應該如此，但總比單獨面對好。一切是否就此過去，身體還受著痛苦，面對心中的壓力，只好是逃避，不作任何假設，把它從記憶中活埋...但也想給自己一個教訓，那一針，刺向手臂，心開始跳得很慢，身開始麻痺...沈睡了，醒來，已是一場夢。感到難過的，是發覺原來還是要靠自己。感到恩惠的，原來還有人記得自己說過的話...但，將來，還是要等待。

留言(0) | 引用(0)

鹹魚，加油呀!!
KatCat | 8th Apr 2008 | 閒情日誌 | (29 Reads)

今天鹹魚正為逃出死水而努力，但因為不夠水的關係，預計要兩年半後才能成功，每日怨氣沖天，更而承受無限水壓，夠竟鹹魚能否捱過呢~

留言(1) | 引用(0)

Claire生日，恭喜晒~
KatCat | 7th Apr 2008 | 閒情日誌 | (19 Reads)

2008年3月15日(星期六)，慶祝Claire生日的大日子，今次佢地玩盛裝party，女仕要著裙，男仕要著西裝，男友聽到後，立即話唔去，只好放過佢，比佢著便裝啦，心諗，都唔會全部人跟啦…emotion 

果日我要返學，收工就返屋企休息+裝身，點知預錯時間，出門前重要唔見左對boot，焗住著家姐對鞋，返學遲到之外，重要對腳痛到死~嗚~可憐emotion 

9:00pm尖沙咀MTR等，嘩，除左elaine之外，全部都盛裝喎，估唔到emotion。一行人去到一間有得BBQ o既bar，book左房，重可以唱k，幾好喎，一定唔會悶，重要任飲cocktail，不過比錢果下先知金emotion，不過開心都好重要，班友重要癲到係房入要跳舞，我當然玩埋一份啦。emotion 而今次生日蛋糕由亞Tik操刀emotion，ok喎，唔難食啦~emotion 

時間直到4:00amemotion，好累啦，但重未送生日禮物喎!!攪笑emotion，於是送埋大家o既心意『NDS』emotion~ 計埋D數就走人啦，真係超累emotion，對腳又累，上車就瞓，返到屋企都即瞓…第二日重要周身骨痛，真係呢…老啦!

留言(0) | 引用(0)

香薰洗面奶
KatCat | 3rd Mar 2008 | 閒情日誌 | (28 Reads)

用左洗面奶好幾日，塊面好乾重，於是問miss點解，miss話可能我初初用唔適應，可以試下加d花水增加保濕度，用左兩日，好以真係好d...不過再用多幾日先~

留言(1) | 引用(0)

Next