姊姊臨近結婚，但我心情極差，因為實在太忙啦，幫佢整東整西都唔緊要，但實在係太趕啦，離佢結婚，不過係得返兩日，好似重有好多野未整好咁…D野一早又唔攪，又唔知自己太麻煩~要求又高，諗頭又多，果個未來姊夫又唔幫手…攪到一頭煙。 

之前係公司幫佢做D私人野，已經攪到自己爆晒獲，只好公司時間唔幫佢整野，專心D工作。但佢D野留返屋企做，又攪到點幾兩點，死人咩~媽子又係屋企煩到七彩，成日問D野做咩唔攪埋佢呀，大佬呀~我做緊其他野麻…重要招呼埋個舅夫，又要幫佢搵去澳門d資料，重話有日12點要去海灘浸腳，喂~你迷信你o既事啦，我第二日要返工架，平時已經要姊姊做呢樣做果樣，叫媽子攞呢樣攞果樣，多麻煩野架啦，欠你o既咩… 

我果個咁o既男朋友，想搵佢吐下苦水，只會令我更勞氣，佢實在見識太少啦，同佢講，佢都唔明。佢已經唔多野講架啦，同佢傾計，永遠係有我講無佢講，我唔講野呢，就dead air，有無攪錯呀~佢唔可以講下自己D野咩，佢唔可以氹下我咩，一日到黑，就係問問問~同我傾計，就係不停咁問我野…叫佢幫手果d野，做十年都未做到，同佢一齊，學到o既就係獨立，同自己靠自己…之前對佢都已經心淡架啦，依家係心灰呀~