早兩日同朋友去左Strawberry Forever Dessert Café食野，印象中佢o既食物係好多完化，但果日真係好失望，食物種類少得可憐(當然甜品依然好多)，我哋叫左一個韓式石鍋飯+雞絲冷麵，味道ok啦~

之後我哋去左Charlie Brown Café度食甜品(點解無係Strawberry度食甜品呢，雖然佢款式多，但唔知點解總係揀唔落手~)，Charlie Brown Café係一間以Snoopy為主題o既餐廳，感覺有d似starbucks，我哋叫左個甜品拼盆，有焦糖燉蛋、朱古力慕絲、麵包布丁，餘左個麵包布丁之外，其他都好好味~

我哋今次一行六人，去左赤柱正灘~租左3隻Pico，1隻Laser。我自從3月考完L2之後都未玩過，咩都唔記得晒，所以全程痴住CC，費時到累其他人啦~呵呵。

今日天氣超級熱，早上風唔算大，我做水手o既時候，壓船果陣瞓晒落個海度，超正~望上個天，嘩~靚到爆，d雲好靚，可惜我無帶電話(即係我相機~)嗚~之後我地漫無目的咁航行，熟習下隻船，好快就食lunch啦。Join埋表哥同佢兩個fd，一行九人浩浩蕩蕩咁去食野，Carol介紹左一間好低食o既地方，$25兩餸，包野飲，白飯任裝~我哋要叫18碟餸，間鋪都無咁多，特登抄兩碟蛋比我哋，好攪笑~

下午風大d，有幾轉都好開心， 我哋重去左另一邊個沙灘──『土地灣』，上面有間士多，好想食雪條，但佢地無，可惜~，我哋就飲下野，吹下水，重識多左個fd，相約下次一齊玩。

休息過後再出發，我主力做Helmsman，個海好大浪，又多湧，成日要玩破浪，風向又不停變喎，我已經風感差架啦，成日都要問CC啲風係邊度黎，真失敗，雖然CC話我掌舵OK，但自己知自己事~睇黎真係要再讀多次L2啦…

臨回程o既時候，我同CC做左一次capsisze，點知第一次失敗，兩個人落晒海，隻船都無反(可能我地太輕，呵呵呵~)，玩完之後，對手勁累，可能我唔識用力。

離開o既時候，見到雪糕車，我當然唔會放過啦，超好味，正呀~ 

P.S. 第一次玩Pico，感覺係，用黎做雙人船太細啦~好易撞到~

隔左幾日，總於有心機寫返呢日考試o既日誌~我拍住師兄，總算合格，真係大幸，如果唔係有師兄敎路，一定同我d buddies一樣~肥老~因為個Miss真係~唉~

果日要考o既野有好多，出入船、泊船、MOB、行三角、CAPSIDE~

我地好早就出海，不過因為無風，所以漂流左好耐先到目的地，之後Miss已經話準備返去，吓~唔係呀~於是師兄叫我，唔好理啦，考左泊船先...總算順利~

Lunch後，要做埋其餘果幾樣野，真係無咩時間...而且又係無風，我地又漂左好耐先到~就係呢個時候黎左一陣強風，Miss即刻叫我地行三角，師兄好快咁行完，到我行果陣真係比陣風嚇親，因為隻船速度好快，同埋好側(其實可能好平常，係我自己差啫~)，結果當然係一團糟啦，之後Miss叫我做MOB(可能頂我唔順)，完成後，就做最麻煩o既CAPSIDE啦...

CAPSIDE~一個痛苦o既經歷~我地竟然龜左三次，即係隻船完全反轉左，船底向天...

唉~痛苦o既一日終於過去，不過我d技術真係好麻麻~所以有時間再讀多次~而且希望今年內可以儲到80個鐘啦~

轉眼間，又一個禮拜啦，又係上Sailing o既時間，今日唔知醒，所以遲到，各位船友真係唔好意思~

今日玩泊船同救人~我依然係一舊雲，雖然最後都做到，但都唔夠熟練，下個星期就要考試啦，真係~唉~

不過Sailing真係好好玩，我同d buddies都有個希望，就係一齊揚帆出海，之後玩徒潛，為左達成呢個目標，我會努力架啦~不過我地都決定，無論今次合格與否，都會讀多一次L2，希望技巧可以好D...

2007年3月11日     驟雨‧16-20度‧微風

今日上Sailing Level 2，朝早要6：45起身，重早過返工...重要有少少病，所以個人好累。

我地今日玩雙人船，無記錯係叫laser13，有兩個帆，船o既結構比單人船複雜，要綁好多繩結，只係聽miss講一次，真係記唔到咁多，好彩set船果陣有師兄從旁指導，先至快快手順利完成。

下午落海，同師兄一組，其實我諗我無咩玩風帆o既天份，因為我出到海重係一舊雲咁~有師兄指導，先至開始摸索到少少...唉~而做capsisze(覆船)果陣，我又唔夠力爬上去個定水板度，要師兄扛我上去，真係辛苦佢啦...師兄多謝晒!!!

總括黎講，今日唔好玩，但係呢d係學習o既必經階段，我會努力架啦!!!